Հանդիպում Համազգային մշակութային միությունում

31 հունվարի, 2019

Հունվարի 23-ին Լոս Անջելեսում ՀՀ գլխավոր հյուպատոս դոկտ. Արմեն Բայբուրդյանը գլխավոր հյուպատոսության խորհրդական Վարազդատ Պահլավունու ուղեկցությամբ այցելել է Համազգային մշակութային միության Արևմտյան Ամերիկայի շրջանային վարչության գրասենյակ, որտեղ հանդիպել են վարչության ղեկավար կազմի հետ: ՀՀ գլխավոր հյուպատոսին ներկայացվել են կենտրոնական և շրջանային վարչության կազմը, Համազգայինի մասնաճյուղերի մշակութային գործունեությունը, հայ արվեստի տարբեր ճյուղերի խթանումը ամերիկահայ համայնքում: Ա.Բայբուրդյանն իր խոսքում բարձր է գնահատել ԱՄՆ արևմտյան ափում և հայրենիքում Համազգայինի կողմից իրականացվող մշակութային ծրագրերը, որոնք նպատակաուղղված են հայ ժողովրդի ինքնության պահպանմանը, Սփյուռքում մշակույթի զարգացմանը և երիտասարդության հայեցի դաստիարակությանը: “Մշակույթը մեզ համար հիմնասյուն է, որը ծառայում է Հայաստանի և Կալիֆորնիայի հայ համայնքի միջև կապերի սերտացմանը մշակութային միջոցառումների կազմակերպմամբ”, նշել է Արմեն Բայբուրդյանը: ՀՀ գլխավոր հյուպատոսը պատրաստակամություն է հայտնել աջակցել Համազգային մշակութային միության առաջիկա ծրագրերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր