Հանդիպում ՀՕՄ պատասխանատուների հետ

31 հունվարի, 2019

Հունվարի 28-ին Լոս Անջելեսում ՀՀ գլխավոր հյուպատոս Արմեն Բայբուրդյանը, գլխավոր հյուպատոսության խորհրդական Վարազդատ Պահլավունու և երկրորդ քարտուղար Քանաքարա Հովհաննիսյանի ուղեկցությամբ այցելեց Հայ օգնության միության Լոս Անջելեսում տեղակայված գրասենյակը և հանդիպեցին ՀՕՄ Կենտրոնական վարչության փոխատենապետ Նաիրի Դերդերյանի, շրջանային վարչության ատենապետ Սիլվա Փոլադիանի և վարչության անդամների հետ: Հանդիպման ընթացքում Նաիրի Դերդերյանը ներկայացրեց ՀՕՄ կողմից Հայաստանում և Արցախում իրականացված և իրականացվող ծրագրերը, ինչպես նաև ՀՕՄ առջև ծառացած մարտահրավերները: Գլխավոր հյուպատոս Ա.Բայբուրդյանը մեծապես կարևորեց ՀՕՄ առաքելությունը Հայաստանում և Արցախում, որը մշտապես գործել է բարձր արդյունավետությամբ և միտված եղել օգնության կարիք ունեցողներին օժանդակելուն, կանանց և մայրերի առողջության պահպանմանը, բնակարանային, հոգեբանական և բազմաթիվ առօրյա խնդիրների լուծմանը, ինչպես նաև խրախուսեց ՀՕՄ Հայաստանում իրականացվող օժանդակության ծրագրերից շեշտը տեղափոխել դեպի զարգացման ծրագրեր: Ա.Բայբուրդյանը պատրաստակամություն հայտնեց օժանդակել ՀՕՄ-ի հայրենանվեր գործունեությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր