Լոս Անջելեսում ՀՀ գլխավոր հյուպատոսության հայտարարությունը

30 հունվարի, 2019

Լոս Անջելեսում ՀՀ գլխավոր հյուպատոսությունն իր մտահոգությունն է հայտնում երկու հայկական ամենօրյա դպրոցներում՝ Էնսինոյի Սուրբ Նահատակների Ֆերահյան և Քանոգա Փարքի ՀԲԸՄ Մանուկյան-Դեմիրճյան կրթօջախներում տեղի ունեցած հանցագործության առիթով և խիստ դատապարտում է ատելության դրսևորումները՝ ուղղված հայկական կրթօջախների և Լոս Անջելեսի ամբողջ հայ համայնքի դեմ: ՀՀ գլխավոր հյուպատոսությունը սատար է կանգնում լոսանջելեսահայ համայնքի դրսևորած միասնական կեցվածքին: ՀՀ գլխավոր հյուպատոսությունը, լուրը ստանալուն պես, կապ է հաստատել Լոս Անջելեսի քաղաքային իշխանությունների հետ՝ հանցագործության հետաքննությանը հետամուտ լինելու նպատակով: Ցեղասպանությունից փրկված սերնդի կողմից հիմնադրված կրթօջախներում ատելության նման դրսևորումները վիրավորանք են՝ ուղղված Հայոց ցեղասպանության նահատակներին և նրանց սերունդներին: Համայնքային կառույցների, Լոս Անջելեսի քաղաքային իշխանությունների և իրավապահ մարմինների հետ սերտ գործակցությամբ հետամուտ ենք լինելու հանցագործների բացահայտմանը և պատժին՝ հետագայում նման դեպքերն իսպառ բացառելու նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր