Մարզական տարվա ամփոփում

28 դեկտեմբերի, 2018

Լոս Անջելեսում կայացավ հայ համայնքի 2018 թվականի մարզական ձեռքբերումներն ամփոփող ամենամյա միջոցառումը վաստակաշատ մարզական մեկնաբան Արամայիս Ղարիբյանի նախաձեռնությամբ: Համայնքի տասը լավագույն մարզիկները, տասը լավագույն մարզիչները, վետերանները, վոլեյբոլի, բասկետբոլի և ջրագնդակի լավագույն թիմերն արժանացան ՀՀ սպորտի և երիտասարդության հարցերի նախարարության և Հայաստանի ազգային օլիմպիական կոմիտեի մեդալների և շնորհակալագրերի: Մրցանակները հանձնեց ՀՀ գլխավոր հյուպատոս Արմեն Բայբուրդյանը: Միջոցառմանը ներկա էին ՀՀ գլխավոր հյուպատոսության խորհրդական Վարազդատ Պահլավունին, Գլենդեյլի քաղաքային խորհրդի անդամ Վրեժ Աղաջանյանը, Իրանահայ միության հոգաբարձուների խորհրդի գործադիր նախագահ Թոմիկ Ալեքսանյանը, Հայաստանի օլիմպիական չեմպիոն Արթուր Ալեքսանյանը, աշխարհի չեմպիոններ Մաքսիմ Մանուկյանը և Մելսիկ Բաղդասարյանը ու այլ անվանի հայ մարզիկներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր