Հանդիպում քաղաքական կուսակցությունների հետ

05 դեկտեմբերի, 2018

ԼՈՍ ԱՆՋԵԼԵՍ –ՀՀ գլխավոր հյուպատոս Արմեն Բայբուրդյանն այցելել է Հայ Հեղափոխական Դաշնակցության ԱՄՆ արևմտյան ափի կենտրոնական կոմիտեի գրասենյակ, որտեղ հանդիպում է ունեցել ՀՅԴ ԿԿ ներկայացուցիչ Ավետիք Իզմիրլյանի և կուսակցության ղեկավար կազմի անդամների հետ: Հանդիպման ընթացքում քննարկվել են ՀՀ գլխավոր հյուպատոսության և ՀՅԴ ԱՄՆ արևմտյան ափի կենտրոնական կոմիտեի համագործակցության սերտացման հեռանկարը, հայ համայնքին առնչվող հարցեր, կարևորվել են ՀՀ գլխավոր հյուպատոսության և համայնքային կառույցների միջև հարաբերությունների խորացմանն ուղղված քայլերը:

ՀՀ գլխավոր հյուպատոս Արմեն Բայբուրդյանն այցելել է Սոցիալ Դեմոկրատական Հնչակյան կուսակցության Գլենդեյլի գրասենյակ, որտեղ նրան հյուրընկալել են ՍԴՀԿ վարիչ մարմնի անդամները՝ ատենապետ Գրիգոր Խոդանյանը, Նոր Սերունդ մշակութային միության, Հայ մարմնամարզական միութան և Հայ-Ամերիկյան խորհրդի ներկայացուցիչները: Քննարկվել են ՀՀ գլխավոր հյուպատոսության և ՍԴՀԿ միջև գործակցությունը սերտացնելու հեռանկարը, հայկական համայնքի օրակարգի առաջնահերթ խնդիրները և Հայաստանի տնտեսական հզորացման գործում համայնքի դերը մեծացնելուն ուղղված հարցեր:

ՀՀ գլխավոր հյուպատոս Արմեն Բայբուրդյանն այցելել է Ռամկավար ազատական կուսակցության Արևմտյան Ամերիկայի շրջանային վարչության գրասենյակ, որտեղ հանդիպում է ունեցել ՌԱԿ շրջանային վարչության ներկայացուցիչների հետ՝ ատենապետ Րաֆֆի Բալյանի գլխավորությամբ: Հանդիպման մասնակիցները քննարկել են ՀՀ գլխավոր հյուպատոսության հետ ՌԱԿ տեղական կառույցի գործակցությունն աշխուժացնելու հեռանկարը, խոսել համայնքային խնդիրների և հայրենիքի հետ հայ համայնքի կապը տարբեր ուղղություններով խթանելուն միտված ծրագրեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր