Հանդիպում համայնքի հոգևոր առաջնորդների հետ

19 նոյեմբերի, 2018

ԼՈՍ ԱՆՋԵԼԵՍ - ՀՀ գլխավոր հյուպատոս Արմեն Բայբուրդյանն այցելել է ԱՄՆ արևմտյան ափի հայ համայնքի հոգևոր առաջնորդներին: Հայ առաքելական եկեղեցու Հյուսիսային Ամերիկայի արևմտյան թեմի առաջնորդարանում գլխավոր հյուպատոսը հանդիպել է թեմի առաջնորդ Հովնան արքեպիսկոպոս Տերետերյանի հետ: Հայ առաքելական եկեղեցու ԱՄՆ արևմտյան թեմում դոկտ. Արմեն Բայբուրդյանը հանդիպում է ունեցել թեմակալ առաջնորդ Մուշեղ արքեպիսկոպոս Մարտիրոսյանի հետ: Հայ կաթողիկե եկեղեցու Հյուսիսային Ամերիկայի թեմի առաջնորդարանում ՀՀ գլխավոր հյուպատոս Արմեն Բայբուրդյանը հանդիպում է ունեցել սրբազան Միքայել Մուրադյանի հետ: Հյուսիսային Ամերիկայի Հայ Ավետարանական եկեղեցիների միության գրասենյակում ՀՀ գլխավոր հյուպատոսին հյուրընկալել են Հյուսիսային Ամերիկայի Ավետարանական եկեղեցիների միության հովվապետ վերապատվելի Պերճ Ջամբազյանը, Լոս Անջելեսի հովիվները և հոգևոր խորհրդի անդամները:
Հայ եկեղեցու՝ ԱՄՆ արևմտյան ափի հոգևոր առաջնորդների հետ հանդիպումների ընթացքում քննարկվել են ՀՀ գլխավոր հյուպատոսության հետ հայ համայնքի կապերի սերտացմանը, Հայաստանի հետ հարաբերությունների խորացմանն առնչվող հարցեր, ամերիկահայերին հուզող խնդիրներ, համայնքի տարբեր շերտերն ընդգրկող՝ հոգևոր դաստիարակության, մշակութային ու կրթական ծրագրեր: Կարևորվել է այդ ծրագրերում երիտասարդներին ներգրավելու նշանակությունը: Հոգևոր առաջնորդների և ՀՀ գլխավոր հյուպատոսի հանդիպման ընթացքում խոսվել է նաև ամերիկահայերի նոր սերնդի ներկայացուցիչների հայեցի դաստիարակության, հայկական ինքնությանն ու արմատներին մոտ պահելուն միտված նախաձեռնությունների կարևորության մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր