Հիշատակի ամենամյա արարողություն

23 ապրիլի, 2018

Ապրիլի 22-ին, Մոնթեբելոյի հուշահամալիրում կայացել է Հայոց ցեղասպանության 103-րդ տարելիցին նվիրված միջոցառում: Ոգեկոչման արարողությանը մասնակցել են համայնքային գործիչներ, հոգևոր առաջնորդներ, ԱՄՆ դաշնային, նահանգային և քաղաքային իշխանության ներկայացուցիչներ:
Հյուպատոս Արմելլա Շաքարյանն իր ելույթում ընդգծեց հիշատակի միջոցառումների նշանակությունը՝ մերօրյա աշխարհում ցեղասպանության աճող վտանգի համատեքստում: “Աշխարհում ապրող ամեն հայ երբեք չպետք է լուռ մնա, մոռանա և պետք է շարունակի պահանջել արդարադատություն: Այս պայքարին պետք է աջակցեն նրանք, որոնք մտահոգված են մարդկության խաղաղ ապագայով: Հայ ժողովուրդը միշտ պետք է մնա նրանց կողքին, որոնք տառապում են մարդկության դեմ իրականացվող հանցագործություններից:”, նշեց Ա. Շաքարյանն իր խոսքում: Նա ելույթն ավարտեց գնահատանքի խոսքերով՝ ՀՀ կառավարության անունից երախտագիտություն հայտնելով ԱՄՆ կոնգրեսականներին, մյուս ընտրովի պաշտոնյաներին, ամերիկահայ համայնքի ներկայացուցիչներին Հայոց ցեղասպանության իրազեկման, ճամաչման կարևորությունը բարձրաձայնելու, դրա ժխտման և այսօր կրկնվող ցեղասպանությունների միջև կապն ընդգծելու շարունակական ջանքերի համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր