Նոր անուններ

15 ապրիլի, 2018

Հայաստան վերադառնալուց առաջ Հայաստանի Նոր անուններ ծրագրի սաները Լոս Անջելեսում այցելել են հայկական ազգային կրթօջախներ և ելույթ ունեցել իրենց հասակակիցների համար: Պատանի երաժիշտները համերգով են հանդես եկել նախ Ալեք Փիլիպոս վարժարանում: Համերգից հետո նաև մասնակցել են հայկական կրթօջախի դասերին, ծանոթացել, թե ինչպես են ամերիկահայ երեխաները Հայաստանից հեռու սովորում հայերեն, հայոց պատմություն և մշակույթ: Ալեքս Փիլիպոս վարժարանի ավագ դպրոցի սաները հատուկ ընդունելություն էին կազմակերպել Հայաստանից ժամանած իրենց քույր-եղբայրների համար, որի ընթացքում ավելի մոտիկից են ծանոթացել և շփվել հայաստանցի պատանի երաժիշտների հետ:Հայաստանի Նոր անուններ ծրագրի սաները օրվա երկրորդ կեսին այցելել են Մերդինյան Հայ Ավետարանական վարժարան: Այստեղ նույնպես հանդես են եկել համերգով և իրենց հասակակիցներին հիացրել երաժշտական կատարումներով: Համերգից հետո պատանի երաժիշտները ծանոթացել ու զրուցել են վարժարանի աշակերտների հետ և նրանց հետ ուժերը չափել բասկետբոլի դաշտում: Ապրիլի 18-ին պատանի երաժիշտները ևս մեկ ելույթ են ունեցել Գլենդեյլի ավագ դպրոցի դահլիճում, որտեղ Գլենդեյլի դպրոցների միացյալ մարմնի կողմից կազմակերպվել էր Հայոց ցեղասպանության զոհերի հիշատակի արարողություն:
Ապրիլի 19-ին Հայաստանի Նոր անուններ ծրագրի պատանի երաժիշտները վերադարձան հայրենիք:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր