Գեղանկարչական ցուցահանդես Լոս Անջելեսում ՀՀ գլխավոր հյուպատոսությունում

08 դեկտեմբերի, 2016

Լոս Անջելեսում Հայաստանի գլխավոր հյուպատոսության հարկի տակ բացվել է ՀՀ ժողովրդական արտիստ, գեղանկարիչ Զուլում Գրիգորյանի և նրա որդու` գեղանկարիչ Մուշեղ Գրիգորյանի աշխատանքների ցուցահանդեսը` նվիրված Զուլում Գրիգորյանի 84-ամյակին: Ամերիկահայ արվեստասերներին է ներկայացվել հիմնականում բնանկարների շարք և դիմանկարներ:
Գեղանկարիչ Զուլում Գրիգորյանը բավականին հայտնի է ամերիկահայ արվեստասերների շրջանում, քանզի նրա գեղանկարները դեռևս 1980-ական թվականներից ի վեր ցուցադրվել են ԱՄՆ մի շարք քաղաքներում: Մուշեղ Գրիգորյանի գործերը ցուցահանդեսի ձևաչափով ամերիկյան արվեստասերներին ներկայացվել են առաջին անգամ:
ՀՀ գլխավոր հյուպատոսի տեղակալ Վալերի Մկրտումյանի կողմից Զուլում և Մուշեղ Գրիգորյանները արժանացել են Հայաստանի գլխավոր հյուպատոսության պատվոգրերի։
Մուշեղ Գրիգորյանը նշել է, որ իր ծրագրերում կարևոր տեղ է զբաղեցնում ԱՄՆ-ում առավել մեծածավալ ցուցադրության կազմակերպումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր