ՀՀ էկոնոմիկայի նախարարը՝ Լոս Անջելեսում

18 հունիսի, 2016

Լոս Անջելեսում ՀՀ գլխավոր հյուպատոսության նախաձեռնությամբ և Հայ-ամերիկյան գործարար-խորհրդի աջակցությամբ տեղի ունեցավ ՀՀ էկոնոմիկայի նախարարի հանդիպումը լոսանջելեսահայ գործարարների հետ: Նախարարը համայնքի անդամներին ներկայացրեց Սիլիկոնային հովտում ունեցած հանդիպումների արդյունքները և նոր ծրագրերի մասին պայամանավորվածությունները:

-Մարդկային ներուժ, մասնագիտական հզոր կարողություն, անհրաժեշտ ենթակառուցվածքներ ու բիզնես ծավալելու նպաստավոր պայմաններ.այս ամենը Հայաստանը գրավիչ գործընկեր են դարձնում բարձր տեխնոլոգիաների ոլորտի առաջատար ընկերությունների համար,որոնք ծրագրում են ընդլանել արդեն սկսած բիզնես-նախագծերն ու իրենց հետ տանել նոր ներդրողների,-ասաց նախարար Ա. Մինասյանը: Նա տեղեկացրեց, որ շուտով Հայաստանում կստեղծվի երկրորդ Սիլիկոնային հովիտը՝ նույն տրամաբանությամբ, բիզնես անելու նպաստավոր միջավայրով, օրենսդրությամբ և ենթակառուցվածքով:

Հանդիպմանը մասնակցում էին մի քանի տասնյակ ամերիկահայեր՝ առաջին ձեռքից տեղեկանալու շատ հուզող հարցերի պատասխաններին: Ամերիկահայ գործարարներին հուզող հարցերը շատ էին՝ կոռուպցիայի դրսևորումներից մինչև ներդրումային օրենսդրություն: Այդ ամենի մասին անկաշկանդ զրույցը տևեց նախատեսվածից ավելի: Էկոնոմիկայի նախարարը խոստացավ, որ նման հանդիպումները պարբերական կլինեն, ընդ որում, ոչ միանյ Լոս Անջելեսում, այլև Սփյուռքի մյուս հայաշատ կենտրոններում՝ հայրենիքի տնտեսական զարգացման խնդրում Սփյուռքում ապրող հայերին գործընկեր դարձնելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր