Հենրիկ Վարդենիկցու ցուցահանդեսը

31 մայիսի, 2016

Լոս Անջելեսում Հայաստանի գլխավոր հյուպատոսությունում բացվել է անվանի նկարիչ Հենրիկ Վարդենիկցու աշխատանքների ցուցահանդեսը: Նա ծնվել է1952 թվականին, Հայաստանի Վարդենիկ քաղաքում, որտեղից էլ գալիս է նրա կեղծանունը՝ Վարդենիկցի: Նկարիչը ապրել և ստեղծագործել է Եվրոպայում, Միացյալ նահանգներում: Յունեսկոյի Միջազգային նկարիչների միության անդամ է: Մոսկվայում, Սանկտ-Պետերբուրգում, Թբիլիսիում և Երևանում մասնակցել է բազմաթիվ ցուցահանդեսների:

Հենրիկ Վարդենիկցին իր ստեղծագործությունները անհատական և խմբակային ցուցահանդեսների է ներկայացրել նաև Կանադայում, Միացյալ նահանգներում, Շվեյցարիայում, Գերմանիայում, Չեխոսլովակայում, Արաբական էմիրություններում, Ֆրանսիայում և Ճապոնիայում: Նկարչի արվեստի գիտակները շատ դիպուկ նկատել են, որ Հենրիկ Վարդենիկցին նկարիչ է, ով կարողանում է ճշգրտորեն արտահայտել այն ամենն, ինչ կամենում է: Նկարչի աշխատանքների ընտրանին նեկայացվեց Հայաստանի գլխավոր հյուպատոսության ցուցասրահում: Գլխավոր հյուպատոսի տեղակալ Վալերի Մկրտումյանը նրան հանձնեց Հայաստանի հյուպատոսության պատվոգիր և փոխանցեց Հայաստանի Սփյուռքի նախարարի գրավոր շնորհավորանքը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր