Բողոքի միջոցառումներ՝ Լոս Անջելեսում

24 ապրիլի, 2016

Ապրիլի 24-ին Լոս Անջելեսի հայ համայնքը կրկին ոտքի էր կանգնել. տասնյակ հազարավոր հայեր դուրս էին եկել փողոց՝ մասնակցելու համայնքային կառույցների կազմակերպած բողոքի ակցիաներին:

Մեկնարկը տրվեց Հոլիվուդի սրտում՝ Փոքր Հայաստան թաղամասում: Միացյալ հայ երիտասարդներ կազմակերպության նախաձեռնությամբ՝ բողոքի երթի մասնակիցները քայլեցին խորհրդանշական՝ 1.5 մղոն ճանապարհ՝ վանկարկելով Հայոց ցեղասպանության դատապարտման ու հատուցման, նաև՝ Արցախի անկախության ճանաչման պահանջները:

Ինչպես ամեն տարի, այս անգամ նույնպես, հայ ցուցարարներին էին միացել ամերիկյան դաշնային, նահանգային ու քաղաքային իշխանության ներկայացուցիչներ: Նրանց շարքերում էր նաև Լոս Անջելեսում ՀՀ գլխավոր հյուպատոս Սերգեյ Սարկիսովը՝ ընտանիքի անդամների հետ միասին:

Օրվա երկրորդ կեսին հայ համայնքն իր բողոքի ձայնը բարձրացրեց Ուիլշեր պողոտայի վրա՝ Լոս Անջելեսում Թուրքիայի հյուպատոսության շենքի առջև: Քաղաքի ոստիկանության տվյալով, այստեղ հավաքվել էր ավելի քան 60 հազար մարդ: Այս ակցիային նույնպես միացան մի քանի տասնյակ ամերիկացի գործիչներ՝ ԱՄՆ կոնգրեսականներ, Կալիֆորնիայի խորհրդարանի անդամներ, քաղաքային ղեկավար մարմնի անդամներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր