Ամերիկահայ համայնքի կազմակերպած հիշատակի միջոցառումը՝ Մոնթեբելլոյում

23 ապրիլի, 2016

Ապրիլի 23-ին հիշատակի միջոցառում կազմակերպվեց Մոնթեբելլոյի հուշահամալիրում՝ նվիրված Հայոց ցեղասպանության 101-րդ տարելիցին: Միջոցառմանը ներկա էին համայնքային կառույցների ներկայացուցիչներ, հոգևոր հայրեր: Հայ համայնքին էին միացել նաև ԱՄՆ կոնգրեսականներ, Կալիֆորնիայի նահանգային խորհրդարանի անդամներ ու Լոս Անջելեսի քաղաքային իշխանության ներկայացուցիչներ. նրանք, ովքեր տարիներ շարունակ կանգնած են ամերիկահայ համայնքի կողքին:

Միջոցառմանը մասնակցեց նաև Լոս Անջելեսում ՀՀ գլխավոր հյուպատոս Սերգեյ Սարկիսովը՝ տիկնոջ հետ: Նա իր ելույթում շեշտեց համայնքի համախմբվածության կարևորությունը այսօր՝ միասնական ուժերով Արցախի թիկունքին կանգնելու առումով: Սերգեյ Սարկիսովը միջոցառման մասնակիցներին առաջարկեց մեկ րոպե լռությամբ հարգել Արցախի համար զոհված հերոսների հիշատակը:

Միջոցառման մասնակիցները ծաղիկներ խոնարհեցին Հայոց ցեղասպանության զոհերի հուշաքարին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր