Հանդիպում ԱՄՆ դեսպանի հետ

16 մարտի, 2016

ՀՀ-ում ԱՄՆ արտակարգ և լիազոր դեսպան Ռիչարդ Միլսը, ի թիվս Կալիֆորնիայի հայ համայնքի կառույցների ներկայացուցիչների հետ ունեցած հանդիպումների, հանդիպեց նաև Լոս Անջելեսում ՀՀ գլխավոր հյուպատոս Սերգեյ Սարկիսովի և գլխավոր հյուպատոսության հովանու ներքո ստեղծված՝ Հայ-ամերիկյան բիզնես խորհրդի ներկայացուցիչների հետ:

Ավելի քան մեկ ժամ տևած հանդիպման ժամանակ անդրադարձ եղավ հայ-ամերիկյան առևտրատնտեսական հարաբերությունների զարգացմանը, մշակութային կապերին առնչվող խնդիրներին և Հայաստանի զբոսաշրջության ոլորտում նոր ծրագրերի իրականացման հնարավորություններին: Հիմնականում այս հարցերն էին դեսպան Միլսի՝ ԱՄՆ արևմտյան ափում հայ համայնքի հետ ունեցած հանդիպումների և քննարկումների թեմաները:

Դեսպան Միլսը պատրաստակամություն հայտնեց աջակցություն ցուցաբերել ՀՀ զբոսաշրջության ոլորտի զարգացմանը, ինչպես նաև՝ հետամուտ լինել առևտրատնտեսական կապերի զարգացմանը:

Հանդիպման ավարտին պայմանավորվածություն ձեռք բերվեց առաջիկայում համադրել նշված ոլորտներում կապերի աշխուժացմանն ուղղված քայլերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր