Հայաստանն ու Արցախը՝ նոր զբոսաշրջային ուղղություններ

04 մարտի, 2016

Լոս Անջելեսում ՀՀ գլխավոր հյուպատոսությունը, Հայ-ամերիկյան բիզնես-խորհրդի աջակցությամբ, փետրվարի 27-28-ին մասնակցեց LA Travel & Adventure Show ամենամյա միջոցառմանը, որն այս տարի տեղի ունեցավ Կալիֆորնիայի Լոնգ Բիչ քաղաքում: Միասնական մեծ տաղավարում Հայաստանը և Արցախը ներկայացվեցին՝ իբրև զբոսաշրջային նոր ուղղություններ:
Զբոսաշրջային ցուցահանդեսի հարյուրավոր մասնակիցների կողքին հայկական երկու պետությունները ներկայացրին տուրիստական հմայքները՝ հայկական գեղեցիկ բնությունը, արևահամ բերքի բարիքները, զբոսաշրջային ենթակառուցվածքները՝ հարմարեցված ժամանակակից հանգստի համար: Հատուկ շեշտադրվեց գյուղական տուրիզմը՝ բնության գողտրիկ անկյուններում կառուցված հյուրանոցներով: Այդ ամենը ցուցահանդեսի հազարավոր այցելուներին ներկայացրին Լոս Անջելեսի հայկական տուրիստական ընկերությունները՝ առաջարկելով Հայաստան և Արցախ ճամփորդելու փաթեթներ:
LA Travel & Adventure Show-ին ներկա էին Վաշինգտոնում ՀՀ դեսպան Գրիգոր Հովհաննիսյանը, Վաշինգտոնում ԼՂՀ ներկայացուցիչ Ռոբերտ Ավետիսյանը:
Ցուցահանդեսին մասնակցեց նաև Հայաստանից ժամանած՝ Միջազգային գործարար կապերի աջակցման խորհրդի պատվիրակությունը:
LA Travel & Adventure Show-ի կազմակերպիչ մարմնի ղեկավար Ջոն Գոլիչը ՀՀ գլխավոր հյուպատոսությանը հանձնեց լավագույն տաղավարի հավաստագիրը՝ ցուցահանդեսի ամենագեղեցիկ և մարդաշատ տաղավարն ունենալու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր