ՀՀ գլխավոր հյուպատոսությունում բացվեց Էմիլ Գազազի ցուցահանդեսը

14 հունվարի, 2016

Հունվարի 14-ին Լոս Անջելեսում Հայաստանի գլխավոր հյուպատոսության ցուցասրահում բացվեց գեղանկարիչ, քանդակագործ Էմիլ Գազազի ցուցահանդեսը: Այստեղ ներկայացված են հիմնականում նրա վերջին շրջանի ստեղծագործությունները, որոնք այլ ցուցասրահներում դեռ չեն ներկայացվել: Հյուպատոսությունն այդ առիթով հյուրընկալել էր հայ և օտար արվեստագետների, Գազազի արվեստի երկրպագուներին: Գլխավոր հյուպատոսի տեղակալ Վալերի Մկրտումյանը Էմիլ Գազազին փոխանցեց ՀՀ Սփյուռքի նախարարության Արշիլ Գորկի մեդալը: Եվս մեկ պարգև Էմիլ Գազազը ստացավ Հայաստանի խորհրդարանի ղեկավարից. ԱԺ ներկայացուցիչ Անդրանիկ Սարգսյանը արվեստագետին հանձնեց պատվոգիր՝ ԱԺ նախագահ Գալուստ Սահակյանի անունից: Հյուպատոս Արմելլա Շաքարյանը, ողջունելով ներկաներին, նշեց, որ Հայաստանի գլխավոր հյուպատոսությունը պատրաստակամ է իր հարկի տակ ներկայացնել հայազգի արվեստագետներին՝ այդպիսով նրանց հայ և օտարազգի արվեստասերներին առավել ճանաչելի դարձնելու համար: Այդ շարքը Էմիլ Գազազով սկսելու շարժառիթը Հայաստանից ստացած պետական պարգևներն էին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր