Մայք Գաթոյի կողմից պատվոգիր՝ Պարգև Արքեպիսկոպոս Մարտիրոսյանին

24 նոյեմբերի, 2015

Արցախի թեմի առաջնորդ Պարգև Արքեպիսկոպոս Մարտիրոսյանը Լոս Անջելեսում է: Նա ժամանել է ՝ մասնակցելու նոյեմբերի 26-ին կայանալիք ամենամյա հեռուստամարաթոնին: Մինչև համահայկական դրամահավաքը, Պարգև սրբազանը հանդիպումներ է ունենում համայնքում: Այս անգամ նա հյուրընկալվել էր Հայաստանի գլխավոր հյուպատոսությունում:

Պարգև արքեպիսկոպոս Մարտիրոսյանի հետ հանդիպմանը մասնակցելու էր եկել նաև Կալիֆորնիայի նահանգային խորհրդարանի Ստորին պալատի անդամ Մայք Գաթոյի օգնականը՝ Ելենա Սեմերջյանը: Նա Արցախի թեմի առաջնորդին է փոխանցել Մայք Գաթոյի կողմից ստորագրված պատվոգիր՝ ազգանվեր գործունեության համար:

Հիշեցնենք, որ հենց Մայք Գաթոն էր հեղինակել Լեռնային Ղարաբաղի Հանրապետության անկախությունը ճանաչող բանաձևը, որն անցած մայիսին Կալիֆորնիայի նահանգային խորհրդարանի երկու պալատներն ընդունեցին՝ այդպիսով Կալիֆորնիան ևս դասելով Արցախի անկախության իրավունքը ճանաչած ամերիկյան նահանգների շարքին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր