Մարդկության դեմ ուղղված հանցագործություններ-Այլևս երբեք

18 օգոստոսի, 2015

Օգոստոսի 18-ին Լոս Անջելեսի մարզի կառավարիչների խորհուրդը, կառավարիչ Մայքլ Անտոնովիչի նախաձեռնությամբ, պատվոգրեր հանձնեց CAHNA/Crimes Against Humanity-Never Again/ կազմակերպության նախագահ Հարութ Սասունյանին և Լոս Անջելեսում ապրիլ-մայիս ամիսներին 55-օրյա հացադուլի միջոցով մարդկանց ուշադրությունը Հայոց ցեղասպանության 100-ամյա տարելիցին սևեռած Աղասի Վարդանյանին:

Լոս Անջելեսում ՀՀ գլխավոր հյուպատոսի տեղակալ Վ. Մկրտումյանը երախտագիտություն հայտնեց Լոս Անջելեսի մարզի կառավարիչների խորհրդին նախաձեռնության համար: Նա շեշտեց, որ ժամանակին չդատապարտված Հայոց ցեղասպանությունը մինչ օրս ճանապարհ է հարթում այլ ոճրագործությունների համար.

-Այդ համատեքստում մենք գնահատում ենք Աղասի Վարդանյանի անձնական հանձնառությունը՝ բողոքի ամենախաղաղ՝ հացադուլի միջոցով միլիոնավոր մարդկանց ուշադրությունը մեկ անգամ ևս բևեռելու հանդուրժողականության, մարդկային հիմնարար իրավունքների պաշտպանության, մարդկության դեմ ուղղված հանցագործություննեի վերացման և արդարության վերականգնման անհրաժեշտության վրա: Անցյալի ձախողումներն այսօր չպետք է ծնեն նոր հանցագործություններ: Աղասի Վարդանյանը դադարեցրեց հացադուլը, բայց ոչ իր կոչը՝ վերջ տալ անտարբերությանը, անհանդուրժողականությանն ու բռնությանը,- ելույթում նշեց Վ. Մկրտումյանը:

-Գնահատելի է CAHNA կազմակերպության և Աղասի Վարդանյանի արած գործը՝ աշխարհին իրազեկել Հայոց ցեղասպանության և երբևէ տեղի ունեցած այլ ցեղասպանությունների մասին: Այդ ոճրի ժխտման հետևանքով այսօր էլ դեռևս շարունակվում են մարդկության դեմ ուղղված հանցագործությունները Միջին Արևելքում և Աֆրիկայում: 100-րդ տարելիցը ճիշտ պահն է ի ցույց դնել աշխարհին այն փաստերը, որոնք շատերն անտեսում են,- ասաց Մայքլ Անտոնովիչը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր