«Կալիֆորնիա․ գործարար հեռանկարներ» համաժողով Սակրամենտոյում

04 հունիսի, 2025

Ս.թ. հունիսի 4-ին Լոս Անջելեսում ՀՀ գլխավոր հյուպատոս Կարեն Իսրայելյանը մասնակցեց Կալիֆորնիայի մայրաքաղաք Սակրամենտոյում կայացած «Կալիֆորնիա․ գործարար հեռանկարներ» համաժողովին և Կալիֆորնիայում հավատարմագրված գլխավոր հյուպատոսների համար նահանգապետ Գևին Նյուսոմի կողմից կազմակերպած ամենամյա ընդունելությանը։ Համաժողովի ընթացքում հյուրերը հնարավորություն ունեցան լսելու զեկույցներ Կալիֆորնիայի միջազգային առևտրի և տարիֆների, կլիմայի փոփոխությունների խնդիրների լուծմանը Կալիֆորնիայի ունեցած դերակատարման, միջազգային տնտեսական կանխատեսումների և այլ օրակարգային խնդիրների վերաբերյալ։ Կալիֆորնիայի նահանգապետի կեցավայրում հատուկ ընդունելություն էր կազմակերպվել դիվանագետների և գործարար շրջանակների համար, որի ընթացքում ելույթ ունեցավ նաև նահանգապետ Նյուսոմը։ Օրն ավարտվեց հանդիսավոր ընթրիքով, որի ընթացքում հարյուրավոր հրավիրվածների հետ Կալիֆորնիայի զարգացման իրենց տեսլականով կիսվեցին 2026 թվականի նոյեմբերին նախատեսվող Կալիֆորնիայի նահանգապետի ընտրություններին իրենց թեկնածությունները դրած վեց գործիչներ՝ այդ թվում նաև փոխնահանգապետ Էլենի Կունալակիսը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր