Կոմիտասի անվան ազգային քառյակի համերգը Լոս Անջելեսում

07 մարտի, 2025

2025թ․ մարտի 7-ին ՀԲԸՄ Փասադենայի մշակութային կենտրոնի համերգասրահում Լոս Անջելեսում ՀՀ գլխավոր հյուպատոսության և Hi-AM բարեգործական հիմնադրամի համատեղ ջանքերով տեղի ունեցավ աշխարհահռչակ Կոմիտասի անվան լարային քառյակի համերգը՝ նվիրված համույթի հիմնադրման 100-ամյա հոբելյանին։ Հոբելյանական համերգի լեփ-լեցուն դահլիճում ներկա էին Լոս Անջելեսում ՀՀ գլխավոր հյուպատոսության անձնակազմը, Լոս Անջելեսի հայ համայնքի եկեղեցական, մշակութային և այլ կառույցների ներկայացուցիչներ, անհատներ։ Համերգի ընթացքում, որպես հատուկ հյուր կատարմամբ հանդես եկավ տաղանդավոր դաշնակահարուհի Սվետլանա Նավասարդյանը։

Միջոցառմանը շնորհավորական ուղերձով հանդես եկավ Լոս Անջելեսում ՀՀ գլխավոր հյուպատոս Կարեն Իսրայելյանը, ապա միջազգային բեմերում և մշակութային օջախներում հայկական երաժշտության և կատարողական արվեստի ներկայացման պատվաբեր գործում ունեցած ավանդի կապակցությամբ ՀՀ գլխավոր հյուպատոսության կողմից շնորհակալագիր հանձնեց Կոմիտասի անվան ազգային քառյակին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր