ԼՈՍ ԱՆՋԵԼԵՍՈՒՄ ՀՀ ԳԼԽԱՎՈՐ ՀՅՈՒՊԱՏՈՍ, ԴԵՍՊԱՆ ԱՐՄԵՆ ԲԱՅԲՈՒՐԴՅԱՆԸ ՀԱՆԴԻՊԵՑ ԿԱԼԻՖՈՐՆԻԱ ՆԱՀԱՆԳԻ ՔԱՐՏՈՒՂԱՐ ՇԻՐԼԻ ՈՒԵԲԵՐԻ ՀԵՏ

05 մայիսի, 2021

ԳԼԵՆԴԵՅԼ- Մայիսի 5-ին Լոս Անջելեսում ՀՀ գլխավոր հյուպատոս, արտակարգ և լիազոր դեսպան Արմեն Բայբուրդյանը հեռավար հանդիպում ունեցավ Կալիֆորնիա նահանգի քարտուղար Շիրլի Ուեբերի հետ։ Շնորհավորելով Շիրլի Ուեբերին կարևոր նշանակման կապակցությամբ, դեսպան Բայբուրդյանը ներկայացրեց Կալիֆորնիայում առաջիկա ամիսներին իրականացվող ծրագրերը, ներառյալ Հայ-ամերիկյան թանգարանի նախագիծը, որի հիմնարկեքի արարողությունը նախատեսված է այս տարվա հուլիսին։ Դոկտ․ Ուեբերը նահանգի պատմությանը նվիրված Կալիֆորնիայի թանգարանի հոգաբարձուն է։ Զրուցակիցները քննարկեցին Հայաստան-Կալիֆորնիա համագործակցության օրակարգի հարցեր։

Շիրլի Ուեբերը Կալիֆորնիա նահանգի քարտուղարի պաշտոնը ստանձնել է 2021 թ․ հունվարին։ Նա երկար տարիներ նախագահել է Կալիֆորնիայի նահանգային Ասամբլեայի Բյուջետային, ինչպես նաև Ընտրությունների հանձնաժողովները։ Մինչև այդ եղել է Սան Դիեգոյի քաղաքային խորհրդի անդամ և Սան Դիեգոյի Դպրոցների միասնական կրթաշրջանի խորհրդի նախագահ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր