ԹՈՒՄՈ կենտրոնի մասնաճյուղի պաշտոնական բացման արարողությունը Լոս Անջելեսում

18 հոկտեմբերի, 2025

Ս․թ․ հոկտեմբերի 18-ին տեղի ունեցավ ԹՈՒՄՈ ստեղծարարական տեխնոլոգիաների կենտրոնի Լոս Անջելեսյան մասնաճյուղի պաշտոնական բացման արարողությունը։

Արարողության ընթացքում ելույթ ունեցան ԹՈՒՄՈ-ի համահիմնադիր Սեմ Սիմոնյանը, ԹՈՒՄՈ-ի տնօրեն Մարի Լու Փափազյանը, Լոս Անջելեսի մասնաճյուղի տնօրեն Սոյեր Հեսքոքը, Լոս Անջելեսի քաղաքային խորհրդի անդամ Ադրին Նազարյանը, որի ջանքերի շնորհիվ տարիներ առաջ հնարավոր է եղել ապահովել մասնաճյուղի բացման համար նահանգային մակարդակով համաձայնությունը, ինչպես նաև ֆինանսավորումը և այլոք։

Միջոցառմանը հրավիրված էր և մասնակցեց նաև Լոս Անջելեսում ՀՀ գլխավոր հյուպատոս Կարեն Իսրայելյանը։ Այլ պաշտոնական հյուրերի շարքում էին ԱՄՆ ներկայացուցիչների պալատի անդամ Լուզ Ռիվասը, Լոս Անջելեսի քաղաքային խորհրդի անդամ Հուգո Սոթո Մարթինեզը, Լոս Անջելեսի դպրոցական շրջանի նախագահը, ԱՄՆ Արևմտյան ափի Հայ առաքելական եկեղեցու թեմի առաջնորդ Հովնան արք․ Տերտերյանը, ինչպես նաև հայ և ամերիկյան համայնքների բազմաթիվ ներկայացուցիչներ։ Արարողության ավարտին ներկաների համար հատուկ շրջայց կազմակերպվեց տեխնիկապես իսկապես գերհագեցած ԹՈՒՄՈ կենտրոնում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր