Երախտագիտության մեդալ՝ Քևին Դե Լեոնին

22 հոկտեմբերի, 2015

Արցախի միջազգային ճանաչման գործին ցուցաբերած աջակցության համար Լեռնային Ղարաբաղի Հանրապետության նախագահ Բակո Սահակյանը Կալիֆորնիայի սենատի գործող նախագահ Քևին Դե Լեոնին շնորհել է Երախտագիտության մեդալ: Լոս Անջելեսում Հայաստանի գլխավոր հյուպատոս Սերգեյ Սարկիսովը հայամետ գործչին փոխանցեց Արցախի հանրապետության բարձր պարգևը՝ իր հերթին երախտագիտություն հայտնելով հայկական հարցերի օրակարգին Քևին Դե Լեոնի նվիրվածության համար:

Հիշեցնենք, որ Կալիֆորնիայի նահանգային խորհրդարանի երկու պալատներն անցած օգոստոսին, ձայների գերակշիռ մեծամասնությամբ, ընդունեցին Արցախի Հանրապետության ճանաչման AJR 32 բանաձևը: Փաստաթուղթում նահանգային սենատորներն ու կոնգրեսականներն աձանագրեցին, որ ողջունում են Լեռնային Ղարաբաղի Հանրապետության շարունակական ջանքերը՝ զարգանալ իբրև ազատ ու անկախ պետություն և ԱՄՆ նախագահին և կոնգրեսին կոչ ուղղեցին՝ հետևել իրենց օրինակին՝ սատարել Լեռնային Ղարաբաղի երիտասարդ պետության ինքնորոշմանն ու ժողովրդավարական անկախությանը:

՞Այդ հողի վրա ապրող ժողովուրդը շատ է տառապել և արժանի է ազատ ու անկախ հայրենիքի, որտեղ չեն ենթարկվի հալածանքների վտանգին: Կալիֆորնիան կարող է առաջամարտիկ լինել աշխարհը փոխելու գործում: Այդ մտադրությամբ ես խնդրում եմ ձեզ աջակցել Արցախի ժողովրդավարությանը, ազատությանն ու միջազգային ճանաչմանը՞, իր խոսքում նշել էր հայամետ գործիչ, սենատի գործող նախագահ Քևին դե Լեոնը: Նաև նրա ջանքերի շնորհիվ էր, որ, չնայած ադրբեջանական լոբբիի ստեղծած խոչընդոտներին, բանաձևն ընդունվեց, և այդպիսով Կալիֆորնիան դարձավ Լեռնային Ղարաբաղի Հանրապետության անկախությունը պաշտոնապես ճանաչած 5-րդ նահանգը Մասաչուսեթս, Ռոդ Այլնդ, Մեյն և Լուիզիանա նահանգներից հետո:

-Ես խորապես զգացված եմ այս պատվին արժանանալու համար: Եվ ես երախտագիտություն եմ հայտնում Ղարաբաղի ժողովրդին: Հարգանքի է արժանի նրանց անկախության պայքարը, որի ճանաչման ջանքերի համար ես արժանացա այս պարգևին,- ասաց Քևին Դե Լեոնը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր