ՀՀ Անկախության 24-րդ տարեդարձի տոնակատարությունը Լոս Անջելեսում

21 սեպտեմբերի, 2015

Սեպտեմբերի 17-ին, ՀՀ գլխավոր հյուպատոսության նախաձեռնությամբ, Լոս Անջելեսում նշվեց ՀՀ անկախության 24-րդ տարեդարձը: Տոնական երեկոյին մասնակցում էին համայնքային կառույցների անդամներ, քաղաքական, հասարակական գործիչներ, հոգևոր հայրեր, Ացախյան ազատամարտի մասնակիցներ, օտարերկրյա դիվանագետներ և ամերիկացի պաշտոնյաներ:

Ողջունելով հյուրերին՝ Լոս Անջելեսում Հայաստանի գլխավոր հյուպատոս Սերգեյ Սարկիսվն իր ելույթում նշեց. “24 տարի առաջ նոր հայկական պետություն հայտնվեց համաշխարհային քաղաքական քարտեզի վրա: 24 տարին մեծ ժամանակահատված է մարդու համար, սակայն կարճ՝ երկրի ու ժողովրդի համար: Մենք շատ գործ ենք արել այս տարիների ընթացքում և հպարտ ենք ձեռքբերումներով: Բայցև՝ հաճախ չենք գոհանում արդյունքներով և ձեռքբերված ցուցանիշներով: Թող ամեն մեկս հարց տա իրեն, թե արդյոք մեր կարեցածն արել ենք՝ հպարտ լինելու համար: Վստահ եմ՝ ոչ ոք չի կարող ասել, որ արել է ամեն ինչ: Հրաշքներ մի ակնկալեք, հրաշքներ տեղի չեն ունենում հատկապես՝ տնտեսության բնագավառում: Մենք բոլորս պետք է օգնենք մեր երկրին. հզոր ժողովուրդն է կերտում հզոր երկիր“:

“ՀՀ վերանկախացումը մեր հավաքական երազանքի իրականացումն էր,-ասաց երեկոյի բանախոս Հարութ Սասունյանը”: Նա ամփոփեց մեր երկրի ձեռքբերումը՝ անկախության վերականգնումից ի վեր և մարտահրավերները, որոնք մինչև այօր էլ կանգնած են երկրի առջև: Գլխավոր ձեռքբերումը Արցախի ազատագրումն ու ժողովրդավարական պետության ստեղծումն էր, գլխավոր մարտահրավերը՝ Արցախի և Հայաստանի սահմանների անվտանգության ապահովումը, ասաց Հ. Սասունյանը:

-Այսօր մեր առջև ծառացած խնդիրները չենք կարող հաղթահարել առանց Արցախի, Հայաստանի և Սփյուռքի միասնական կամքի: Արցախի անվտանգությունն ապահովելու համար մենք պետք է ունենանք հզոր Հայաստան, որն իր հերթին աշխարհասփյուռ հայ համայնքների պահպանման երաշխիքն է: Այժմ, անկախության վերականգնումից գրեթե քառորդ դար հետո, մենք ամեն հնարավոր բան պետք է անենք՝ ապահովելու հայրենիքի հետագա հզորությունն ու զարգացումը: Անկախ մեր գաղափարական, կրոնական ու քաղաքական կողմնորոշումներից, մենք պետք է միավորվենք մեր սիրելի եռագույնի ներքո,-ասաց Հ. Սասունյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր